მიშელ სონის საფორტეპიანო მეთოდი

batumi music campbatumi music camp

ბათუმის შავის ზღვის მუსიკისა და ხელოვნების საერთაშორისო ფესტივალის ფარგლებში გაიმართება ცნობილი ფრანგი პროფესორის, ინოვაციური საფორტეპიანო მეთოდოლოგიის ავტორის,მიშელ სონის მასტერკლასები 5-10 სექტემბერს, ბათუმის დრამატულ თეატრში.

მეთოდოლოგია დაფუძნებულია განვითარების ორ ძირითად მიმართულებაზე : დიდაქტიკური ნაწარმოებები - პროლეგომენები, რომლებიც მცირე ფორმის სავარჯიშოებს წარმოადგენს ეფექტურად ანვითარებს ფრაზის და ბგერის აღქმას, გააზრებას და მის რეალიზებას ინსტრუმენტზე.ციკლი მოიცავს 600-მდე მუსიკალურ სავარჯიშოს.

მეორე ძირითადი მიმართულება არის ეტიუდების ციკლი, სადაც ყოველი ტექნიკური ბარიერი გათვლილია და დაჩქარებული ტემპით იძლევა საშუალებას თავისუფლებაში მოიყვანოს ხელის აპარატი.

საფორტეპიანო ტექნიკის დასაუფლებლად, მეთოდოლოგია აძლევს საშუალებას ადრეული ასაკიდანვე პიანისტებმა დაძლიონ რთული ნაწარმოებები, რაც სრულიად განსაკუთრებულ შედეგს იძლევა.

მასტერკლასებზე დასწრება შეუძლია ყველა მსურველს უფასოდ.

მონაწილეობის მისაღებად,გთხოვთ, გამოაგზავნოთ უახლესი ვიდეო ჩანაწერი 10 აგვისტომდე, შემდეგ მისამართზე : lyrafondation@yahoo.com