ბათუმის შავი ზღვის ხელოვნების ფესტივალი 2019 ტარდება იუნესკოს მაღალი პატრონაჟით

გაიგეთ მეტი

ფესტივალის სამხატვრო ხელმძღვანელის, ელისო ბოლქვაძის, მისალმება

director სამხატვრო ხელმძღვანელი, ელისო ბოლქვაძე


ძვირფასო მეგობრებო და მუსიკის მოყვარულებო !

2020 წლის 16-17-18 ოქტომბერს საოცნებო ქალაქ ბათუმში გაიმართება შავი ზღვის მუსიკისა და ხელოვნების რიგით მერვე საერთაშორისო ფესტივალი (BBSMAF).

აღსანიშნავია, რომ ფესტივალმა წელს მეოთხეჯერ მოიპოვა იუნესკოს მაღალი პატრონაჟი, რაც მას განსაკუთრებულ და უნიკალურ სტატუსს ანიჭებს.

პანდემიის მიუხედავად, შესაძლებელი გახდა ყოველწლიური ტრადიციის შენარჩუნება და წელს ფესტივალი ადაპტირებულ ფორმატში გაიმართება.

Covid-19-ის რეგულაციების გათვალისწინებით BBSMAF 2020 გაიმართება დამსწრე მსმენელის გარეშე.

ფესტივალი გაშუქდება პირდაპირ ეთერში POSTV-ზე, სადაც არტისტები ჩაერთვებიან მსოფლიოს სხვადასხვა ქალაქებიდან. დიგიტალური ფორმატი უზრუნველყოფს ცოცხალი კონცერტის ატმოსფეროს!

დაარსების დღიდან ფესტივალის ერთერთ მთავარ მიზანად რჩება ახალგაზრდა ქართველი ტალანტების აღმოჩენა და ხელშეწყობა.

ფესტივალის ჩატარების ინიციატივით, საქართველო უერთება კულტურის გლობალური ეკოსისტემის შენარჩუნების პროცესს.

პროექტის მხარაჭერისთვის, მადლობას მოვახსენებთ საქართველოს და აჭარის ავტონომიური რესპუბლიკის განათლების, მეცნიერების, კულტურის და სპორტის სამინისტროებს.

ასევე, ბათუმის მერიას და ყველა იმ ორგანიზაციას ვინც მხარს უჭერს ფესტივალს, რათა კლასიკური მუსიკის ჰანგები კიდევ ერთხელ გაჟღერდეს ზღვისპირა ქალაქში.

ფესტივალის ადმინისტრაცია განსაკუთრებულ მადლობას მოახსენებს, საქართველოს პრეზიდენტს ქალბატონ სალომე ზურაბიშვილს.

ელისო ბოლქვაძე
ფესტივალის სამხატვრო ხელმძღვანელი
director

პროგრამა

საკონტაქტო ინფორმაცია

მის.: ზ.ბოლქვაძის ქ. №3, 0171 თბილისი, საქართველო

ელფოსტა: lyrafondation@yahoo.com


ელისო ბოლქვაძის საქველმოქმედო ფონდი 'ლირა' lyrafondation@yahoo.com